Гар хангалгын үеэр амьсгалд өөрчлөлт орсноор эндорфин, допамин, окситоцин зэрэг аз жаргалын гормонуудын ялгаруулалт нэмэгдэж, биеийн ерөнхий эрүүл мэндэд сайнаар нөлөөлдөг болох нь судалгаагаар тогтоогджээ.

Тэгвэл #ТООЁХОН хэрэглэх ямар ашиг тустай вэ?

1. Өөрийнхөө сэрлийн цэгүүдээ олж, илүү их таашаал мэдэрч, өөртөө улам дурлана.

2. Стресс, түгшүүрийг бууруулна

Хүн бие махбодын таашаал хүртэж байхдаа ихэвчлэн гүнзгий амьсгал авдаг. Мөн дур тавихтай зэрэгцэн зүрхний цохилт нэмэгддэг бөгөөд энэ нь айдас, түгшүүрийг намдаахад тусалдаг.

3. Бэлгийн таашаалыг нэмэгдүүлнэ

Ямар мэдрэмж чамд таашаал төрүүлдгийг, биеийнхээ аль хэсэгт хүрэхэд таалагддагийг гар хангалгаар дамжуулан олж мэдэж болно.

4. Зүрхний үйл ажиллагааг сайжруулна.

5. Нойрны чанарыг сайжруулна.

Дур тавих үед ялгардаг пролактин хэмээх даавар биед ядарсан мэт мэдрэмж төрүүлдэг бол окситоцин хэмээх даавар нь тайвшруулах нөлөө үзүүлдэг. Тиймээс гар хангалга хийсний дараа сайн унтаж амардаг.

6. Үтрээний хуурайшилтыг бууруулна

Сэрэл хөдлөх үед үтрээний ханыг дагасан булчирхайгаас шингэн ялгардаг тул үтрээг хуурайшихаас хамгаалж байдаг аж. Энэхүү шингэн нь үтрээний хувьд "сайн найз" л гэсэн үг.

7. Аарцагны булчинд тустай.

8. Өвдөлтийг намдаана.

Дур тавих нь аарцагны доод хэсгийн булчинд амралт болохоос гадна сарын тэмдгээс үүдэлтэй өвдөлтийг намдаадаг. Учир нь дур тавилтын үед ялгардаг аз жаргалын гормон болох эндорфин нь тархинд очиж буй өвдөлтийн дохиог бууруулдаг.